- hashtagkalakar
‘Ajnabi Si Apni’
Updated: Jun 1
By Labdhi Gala
Duniya ajnabi si hai, Apni si hai
Tumhare bina kuch berangi si hai
Chahe mahyus ho ya chahe haseen yeh pal
Meri duniya banti sirf tumse hi hai.
Zindagi ki alag si nazakhat hai
Kitabon ke panno mei yeh seemeet nahi ho sakti
Pata nahi kahaniya likhte hue shabd behte hai ya dil
Jab kainat ke chumbak mei mil jate hai bhatakte hue musafir.
Badhon ki tarah nahi keh sakti ki yeh duniya dekh li hai mene
Dil abhi bhi nadan hai, mann abhi bhi bhara nahi
Naye sheher dekhne aankhein tarasti hai
Gairon se- apno ko milne ki justajoo tadapti hai.
Bohot jagahein ghumi hai
Bohot kisse sune hai aur sunaay hai
Banjaarepan mei khwaaish hai sukoon ki
Bechene pyar mei dekhi hai wafa ki deewangi.
Samandar ki leherein, pahadon ki thandi hawa,
Doobta hua sooraj, ughta hua chand,
Garajte badal, baarish ki rimjhim
Har gehri saans mei vahi beetay hue lamhon ki yaadein dhadakti hai
Jaha tab koi tha, ab koi hai aur aage koi hoga.
Thodi hasi mazak, thoda dukh-dard
Kabhi apne apno se khafa, kabhi anjano se apnapan
Yeh jahan ki noor uske anokhepan se hi hai silti
Par jani tum bin adrak wali chai se bhi ruhaaniyat nahi milti.
By Labdhi Gala