Adhure Kadam

By Shivam Yadav

Jo abhi aadhe adhure hi chale ho

Toh gumaan kis baat ka hai

Abhi abhi toh rakha hai ghar se bahar kadam

Toh abhimaan kis baat ka hai

Abhi toh milon ka safar chalna baaki hai

Jo sar pe tap raha Suraj uska dhalna abhi baaki hai

dharti khod li toh kya hua cheerna abhi woh uncha aasmaan baaki hai

Kabse Thaka haara woh parinda bhare haunsla fir khada hai tere samne dekh

Uss parindey ki bharni unchi abhi woh udaan baaki hai

zindagi ka kya hai kat jaayegi kisi tarah guzar basar karke

maut ko gale lagake jo odhega woh kafan kaamana abhi baaki hai

kisse sambhalna hai aur kaun iss safar me apna saathi hai

apne ussi humsafar ka saath nibhaana abhi baaki hai

Aasmaan me utar ke dekh unn taaron ko gale laga ke dekh

duniya ki jhilmilaati alag hi ek jhaanki hai

saaya tera kabhi peeche toh kabhi tujhse aage nikal jaayega

saaye ko apne aap se haraana abhi baaki hai

chand lamhon ke liye kisi ped ke neeche chaar saathi kya bana liye

tu khudko unka dost batane laga

samay ke saath unhi doston ka muh ferna aur badalna abhi baaki hai

Kaun hai teri manzil aur kya hai tera rasta tujhe abhi maalum nahi

Fir bhi galat iss raaste pe chalte chale jaana abhi baaki hai

By Shivam Yadav