Ab Mein Raaton Ko Jagta Nahin Hun

By Kashif Ehmed

ab mein raaton ko jagta nahin hun

ab mein aangan se aasmaan ko takta nahin hun

kuch tang abhi bhi hu teri vaqii'at ki yaadon se

magar ab bhari raat me khuda se shiqayat karta nahin hun

chahu bhi to kaise laut jau us daur mein

kabhi waqt ka takaza to kabhi zimmedari se ghira hua hun

din kay dhalte hi dil yun sukad sa jata hai

parindo ko ghar laut ta dekh aankhon me aansu le ata hai

sathi hai na kisi shareek-e-gham ki hazri

seene me masail ki teh banaye beitha hun

ab me raaton ko jagta nahin hun

ab me aangan se aasmaan ko takta nahin hun…

By Kashif Ehmed