Ab Bhi Mumkin Tha

By Pathan Samiya Zuber

Ab woh andaz-e-bayan baki na raha hamara

Tum jo itne badle to kuch badal hum me bhi mumkin tha

Hum se khafa hai who apni hi be-rookhi par

Hamara bhi khayaal kar lete to kuch samjhota ab bhi mumkin tha

Ab woh maza, woh apnapan kaha hai hum me

Aisa na kehte to kuch apnapan ab bhi mumkin tha

Nazrein nahi jhukti hamari ab unki aamad par

Kuch woh bhi jhukalete to takalluf ab bhi mumkin tha

Nidamat, shaukat, izzat ki tawaqqo rakhte hai hum se

Thoda bhi agar woh kar lete to hamara farz nibhana ab bhi mumkin tha

Na mohabbat , na nafrat kuch bhi nahi un se ab hum me

Hamare liye zara bhi hota agar to juch mauka ab bhi mumkin tha

By Pathan Samiya Zuber