Aakhir Kyun Aur Aakhir Kab Tak!

By Anam Fatma

Aakhir kyun ? Aakhir kab tak ?

Is society ke mutaabiq chalna padega ,

Khud se zyada chaar log kya kahenge yeh sochna padega .

In logon ke wajah se apne sapno se peeche hatna padega ,

Zindagi jeene ke liye , sapne dekhne ke liye 100 baar sochna padega .

Aakhir kyun ? Aakhir kab tak ?

Is society me hone ke liye khush rehne ka dikhawa karna padta hai ,

Tum khush ya dukhi ye baat apni social medi ki story se batana padta hai .

Apni dil ki baat sunne ke liye tumhe kavitaaon ka istemal karna padta hai ,

Roz darr – darr ke jeena padta hai ,

Apni khaamiyon ko chupa kar dusre ki nazar me perfect banna padta hai .

Aakhir kyun ? Aakhir kab tak ?

Rape is desh mein ab aam hai ,nazre logo ki janwar se bhi kharab hai ,

Fake feminism ke bahane mardon par bebuniyaad lagte ilzaam hai .

Dange is desh mein ab aam hai ,koi bhi baat ho protest karna bas humara kaam hai,

Nafrat toh yahan apno se hai, toh phir bhai chaara ki baat toh ab bekaar hai .

Aakhir kyun ? Aakhir kab tak ?

Insaaniyat ab bhul baithe hai yeh log ,

Dharmo ke naam pe ab lad rahe hai yeh log .

Maa baap se pyaar karna bhul gaye hai ab log ,

Khud se nafrat karte hai ,aur zindagi jeena bhul gaye hai yeh log .

Aakhir kyun? Aakhir kab tak ?

Is judgemental society ki wajah se khud ko badalna padta hai,

Kitni moti hai , kitni patli hai , kitni lambi hai,kitni choti hai.

Shaadi kaise hogi iski,naukri kyun karegi , Ghar sambhaal ,

Apne sapne ,apni khushiyon ka balidaan is judgemental society ke liye dena padta hai .

Logon ke soch me ab laana hai badlaav,

Khush rehna aur zindagi jeena yahi hai mol bhav.

Is society ki fikr chor kar khud se karna hai hume pyaar ,

Ek nayi aur pyaari duniya chahe toh bana sakte hum aur aap .

By Anam Fatma