Ishq

By Mahvesh Junaidi

Imtehaan mere ishq ka lete rehna,

jab tak lena chaho..

yah chaho toh meri wafadari ka lena…

meri wafadaari hi mere ishq ka saboot hai,

mere tassavur ne har lamha kuch na chaha par sirf usey,

aur inn hi tassavur ke kuch lamhaat may ham shayar ban baithe….

tassavur ki dunya se usey haqeeqi zindagi may dhundte dhundte meri aarzoo meri koshish bankar rehgayi,

aur na umeedi may phir bhi uske aakhri deedar ki aarzoo ki umeed rahi,

aur phir ek dafa uske deedar ki aarzoo ek aakhri aarzoo hi bankar rehgayi.

par shayd bichad jana taqdeer may tha,

magar gham bichad ne ka nahi balke

gham toh isbaat ka tha ke may abtak tassvur ki dunya may hi jee raha tha.

By Mahvesh Junaidi