Kal

By Nitika Khulbe

Kuch pal hi toh zindagi hai

Iss waqt ko samet lo muthi mein

Bitalo kuch samay unke saath kal kya hoga kya pata

Kal kon aankho ke saamne hoga aur kon uss safed chadar mein lipta hoga

Kya pata kiska kal kya hogaa ….

Rook kar rakh lo uss ghadi ko tum

Ho sakte toh haath tham lo tum

Uske sir se voh fitoor utaar do

Aupcharik nhi anopcharik roop se uska sach tum aaj jaan lo …

Aaj sunlo uske voh har ankhahe shabd

Har lafz par karlo tum thora gaur

Kya pata aaj ka shor kal khamoshi mein na badal jaaye

Waqt ki apni tasveer hi nhi badal jaaye ….

Tum bhi apne kuch gham baat lo

Uska tum par voh vishwass jaga do

Gaur farmado uski uss muskurahat par , voh parda uske chehre se hata lo

Use apna kehkar tum pukar lo

Kal kya hota

Kya pata kal kal hi nhi hota ….

Uski palko se aaj kuch ashk behne do

Aaj aazad panchi tum use banne do

Uske andar ke voh bhavander ko shant karne ki koshish karlo tum

Usko uski kabiliyat ki ek jhalak dikha do tum

Kuuch himmat dedo tum

Uski khawaishe puri karlo tum

Kya pata kal voh khawab ho na ho

Unhe dekhne wala kal zinda ho na ho ……

Waqt behta rehta apni gati se

Voh khokhla hota rehta har uss bhadte nishaan se

Voh bikharta rehta apno ke diye zakhmo se

Voh cheekhta , chilaata rehta

Haste khilte sab se milta rehta

Magar uske andar ko shor kio sun nhi paata

Aur aisi hi kisi din voh hume alwida keh jaata

Uski voh haalat dekh tumhe sab kuch yaad aata

Pachtaawe ka bhoj yuhi sir pe mandrata

Jab bhi aankhe band karte tum

Uska muskurata chehra tumhe nazar aata

Yaar tune yeh sab pehle kyu nhi bataya , iska sawal buss jehn mein jhoonjta rehta

Tu uss sadme mein pada rehta

Waqt ka paiya phir bhi chalta rehta ….

Zindagi ki jo khubsurti ko baya karte ho na tum

Iss roz maara ko kadva sach jo chupate ho na tum

Yuhi kisi ka jo Mazak udhate ho na tum

Na jaane kisko kya bura bhala kehte ho na tum

Phit uske anzaam se kyu darte ho tum …..

Jo kal kal karte ho na tum

Aaj ko bhool kar kal jo dekhte ho na tum

Voh kal kab kaha gayab ho jaayega

Kya pata kal aaj hi kharch ho jaayega

Ho sakte toh kal ki fikr chod aaj ko jee lo tum

Varna hume kya pata

Kal humara ho na ho …..

By Nitika Khulbe