कविता केल्याने काय होतं?

By Hrushikesh Takalkar

कविता केल्याने काय होतं?

प्रेमात पडलाय की काय.. असं वाटतं?

का प्रेमभंग झालाय असं दिसतं?

कविता केल्याने काय होतं?

मन आपलं कागदावर उतरतं?

का कागदांवरच्या शब्दात अर्थ शोधतं?

कविता केल्याने काय होतं?

घडलं ते सगळं बाहेर पडतं?

का झालं ते सगळं परत आठवतं?

कविता केल्याने काय होतं?

शिवलं जातं काळीज उसवलेलं?

का जोडलं जातं नातं तुटलेलं?

कविता केल्याने काय होतं?

होत्याचं नव्हतं होतं?

का नव्हतच कधी ते होत्यात बदलतं?

कविता केल्याने काय होतं?

Sorry म्हणणं सोपं जातं?

का माफ करायला अवघड जातं?

कविता केल्याने काय होतं?

घडून गेलेलं सारं मनांत चिंब भिजतं?

का नव्या उमेदीने नात्याला मजबूत बनवतं?

जर ह्यातले काहीच नाही घडत तर…

सोडूनद्यावंकविताकरणं.. हेचखरं.

By Hrushikesh Takalkar