Kashti Aur Kinaara

By Shivam Yadav

aaj ek chehra iss qadar meri nazron ke samne se guzar gya

ki seedha jaake mere zehn me kuch iss tarah se utar gya

uske dil ka haal bhi uski aankhon se saaf saaf dikh rha tha

bina puche mera dil uska naam khudpe baar baar likh rha tha

bas ab kal ki subah ka intezaar nhi ho rha hai

kal subah bas usse firse dekhne ka mann sa ho rha hai

soch raha hun ki kal tumse apne dil ka haal baya kar hi dun

kal tumhe bata hi dun ki main tumhe kitna chahne laga hun

nayi nayi baatein aur

naye naye sapne bunne laga hun

din ke har ek lamhe se

tere sath guzarne wale pal hi chunne laga hun

bas ab jaldi se ho jaaye kal ki subah

aur tum mujhe fir se dikho

apni saheli se kuch baatein karke

tum khoob hasso

tumhari hassi dekhke main pta nhi kahan kho jaata hun

aajkal yehi sab sochte sochte na jaane kab so jaata hun

lag rha kal ki subah kuch bahut alag si hogi

subah tumhe sab bata dunga aur sham me tum meri baahon me hogi

fir uske baad tera hasna tera rona sab mujhse hi juda hoga

jaise maano tera dupatta har baar mere liye hi uda hoga

main koshish karunga tumhari zindagi se saare gham mitaane ki

tum mujhe ijazat toh do meri zindagi tum par lutaane ki

main haste haste tum par sab kuch vaar dunga

tumne socha bhi nhi hoga tumhe itna pyaar dunga

teri aankh se aansu kabhi koi main tapakne na dunga

palkein bichake rakhunga tere liye inhe kabhi jhapakne na dunga

duniya ki har khushi tere naseeb me likh dunga

tere mangne se pehle hi sab kuch tere hath me rakh dunga

par fir tum mujhe kabhi chhod ke mat jaana

mera dil bahut naajuk sa hai isse todd ke mat jaana

mujhe chhodne ka kabhi tumhe khayaal aaye toh uss khayal ko chhod dena

mere dil ka jo hissa tumhare paas hai usse apne dil se jod dena

mujhe chhod ke toh chale jaaoge par mera dil kahan jaayega

bhala mujhse bhi behtar tumhe aur kaun chahega

raat kaafi ho gyi thi aur andhera ho gya

dekhte hi dekhte sochte hi sochte na jaane kab sawera ho gya

main wahin khada hun jahan tu mujhe roz dekhti hai

mujhe ek baar dekhke fir apni nazar fer leti hai

main bas isse tera sharmana samjh leta hun

tera izhaar hi tera muskurana samjh leta hun

tujhse kabhi baat bhi nhi huyi

par fir bhi tujhse itni baatein kar leta hun

din bhar to tu samne rehti hi hai

tere sath hi mehsus apni raatein kar leta hun

par ab lagta hai ki tujhse duri bana lena hi humare liye theek hoga

na main tujhse dur ho paunga aur na tu mere kabhi nazdeek hoga

pyaar yeh bhi ek tarah ka kaafi khaas hai

jahan tere milne ka nhi bas tujhe dekh paane ka ehsaas hai

dekhne ka hi sahi magar ehsaas bada pyaara hai

tum maano koi kashti ho aur mera dil koi ek kinaara hai

kashti ko wapas kinaare se ab jaana hoga

kinaare ko bhi kashti ka pyaar ab bhulana hoga

aise hi agar chalta raha toh yeh chalta rahega kab tak

samandar se hi ugke suraj samandar me hi dhalta rahega kab atk

kabhi toh koi ek aisi subah hogi

jab yeh kashti iss kinaare se juda hogi

pta nhi kya hoga jab yeh dil teri yaadein nikal ke fekega

na jaane kaisa hoga woh manzar jab tujhe khudse durr jaate dekhega

nhi ho paayega mujhse teri yaad mujhe bahut satayegi

Bas teri raah dekhta reh jaaunga meri kashti kab dobaara waapas aayegi

By Shivam Yadav