ఆశ

By Dr.T Naga Nirmala Rani

నిశీధి అంటే నలుపు కాదు

కోటి తారల దుప్పటి

మౌనమంటే ఓటమేనా

గెలుపు ముందటి పున్నమి

కఠోర సత్యం చేదు కాదు

తట్టి లేపే జాగృతి

వేసవంటే వేడిమేనా

మల్లె జాజుల వాకిలి

సింధువంటే ఉప్పెనంటే

వర్ష మేఘపు జాడలేవి

పంకమంటూ వంక పెడితే

పంకజమ్ముల పల్లెవేది

క్రీనీడల వెన్నెలేగా

చంటి పాపల నవ్వుల జావళి

వేదనంటే కనుల నీరా

ముందు ముందు నవ్వులిచ్చేనెచ్చెలి

ఆశ అంటే కాదు కలల ఎండమావి

నిలువెల్లా ధైర్యం నింపే నమ్మకాల ఊటబావి....

By Dr.T Naga Nirmala Rani