വരവർണ്ണിനി

By Tulasi Chembakam

അനേകമന്യരുടെ

കോറിയിടലുകൾക്കായ്

ശൂന്യമായുഴിഞ്ഞു വെയ്കും തുച്ഛം 

തുകൽപ്പുറങ്ങളല്ലെൻ

രാപകലുകളും  ഭാവപഥങ്ങളും .

രവിവർമ്മനോളം വരില്ലയെന്നാകിലും

ഒരുക്കട്ടെ ഞാനുമൊരു

വരവർണ്ണിനിയെയെന്നിൽ.......

ചണ തുണിയതിൽ ചായക്കൂട്ടുകൾ

ചിട്ടയായ് കലർത്തി ചമയിച്ചൊരുക്കാൻ

സുമുഖിയായ് ഇന്നു കരുതീടട്ടേ.. എന്നെ .

ഉഷസ്സിൻ ശോണിതമാലോ ,നീരദ നീലിമയാലോ

ശീതാംശുവിൻ ശോഭയാലോ ..

സൂര്യൻ വിതറിയ സിന്ദൂരമാലോ ...

താരകം തെളിക്കും തിളക്കമാലോ ...

തീർത്തിടട്ടേ എന്നെ ഞാൻ -ഒരു സുന്ദര ഛായാപടമായ് .

By Tulasi Chembakam