ಸಂಸಾರ ಭಾರ

By Sahana Joshi

ಸಖಿ ನೀನಿದ್ದರೆ ನನ್ನ ಜೊತೆಗೂಡಿ |

ಧೈರ್ಯವಿರುವುದು ನನಗೆ ಎದುರಿಸಲು  ಜಗವಿಡಿ||

ಈ ಜೀವನದ ಬಂಡಿಯನ್ನು ನಡಿಸಲು ಇರುವುದು ನನಗೆ ಇಷ್ಟೇ ತಾಕ್ಕತ್ತು |

ಶ್ರಮ ಪಟ್ಟು ಬೆವರು ಸುರಿಸಿ ಊಣಬಡಿಸುವೆ ನಿನಗೆ  ಮೂರು ಹೊತ್ತು||

ನನ್ನ ಸಂಪತ್ತು ನಿನ್ನ ಪ್ರೀತಿಯೆ ಓ ಗೆಳೆಯ|

ನಿನ್ನ ಜೊತೆ ಬಾಳುವುದೇ ನನ್ನ ಅದೃಷ್ಟ ನನ್ನೊಡೆಯ||

ಈ ಮಣ್ಣಿನ ಕೆಂಪು ಬಣ್ಣದಷ್ಟು ಗಾಢವಾಗಿದೆ ನಮ್ಮ ಪ್ರೀತಿ|

ಸುಃಖದಲ್ಲೂ ಕಷ್ಟದಲ್ಲೂ ಜೀವನ ಸಾಗಿಸುವೆವು  ಒಂದೆ ರೀತಿ||

ಏಕೆ ಹೊರುವೆ ನೀನೊಬ್ಬನೆ ಸಾಂಸಾರದ ಭಾರವನ್ನು|

ಇರುವೆನು ನಿನ್ನೊಡನೆ ಕೊಡುತಾ ಹೆಗಲಿಗೆ ಹೆಗಲನ್ನು||

By Sahana Joshi