పసిమొగ్గ

By Dr. Samudrala Priskilla

పుట్టి ఆరునెలలు 

పురిటి గంధమైనా పోయిందో లేదో

అమ్మ ఆశలకు హరివిల్లు 

నాన్నరికానికి పొదరిల్లు 

పాలారని ఆ పసిమొగ్గ

వెన్నలారని నా పసిమొగ్గ

పక్కింటి భవాన్జీకిచ్చి 

కార్యక్రమాన్ని మెచ్చి 

ఆధ్యాత్మికమంటూ ఆ దంపతలు

నమ్మకంగా నడిచి వెళ్ళారు

మూడు పదుల వయసు 

కామంతో నిండిన వాడి మనసు 

అంతే 

అమ్మతోడు

నమ్ముతావా! నా దేశమా!

నా చిట్టి తల్లిని 

చిదిమేస్తుంటే

నా ఊరితనం గోడ్డుబోయింది

అన్నేమా ! పున్నెమా! 

అభమా! సుభమా!

మంచా ! చెడ్డా!

పంచభూతాలూ 

ఏమీ ఎరగనట్టు

ఏవేవో చేసుకుంటూ 

కాలంతో పరిగెత్తుతున్నాయి.

దేశమా ?

తాళి తెంచే బంధుత్వానికి 

కామించే అంధత్వానికి 

మనసా? వయసా?

దేశమా ?

నీకిది గుండె కాటు

బుల్లెట్ తూటు

ఈనాడు వాడు కాముకుడు 

ఎన్నడైనా వాడు వేశ్యకుడు

ఔనన్నా కాదన్నా 

వాడు నీ గుండెని చీల్చిన వాడు. 

[గుజరాత్ రాష్ట్రం లోని పఠాన్ జిల్లా భనాస్మా తాలూకా ఇటోడా గ్రామం,, మంగళవారం రాత్రి భావాన్ జీ ఠాగూర్ [32] వల్ల 6నెలల పసిపాప అత్యాచారంకి గురైంది. పసిపాప ఏడుపు సాక్షిగా ఈ కవిత]

By Dr. Samudrala Priskilla