ఓ చెలీ !

By Charitha Nakkina

ఓ చెలీ !

ఝం అని జాలువారే జలపాతాన్ని తలపించే నీ కురులు 

కరగని శిలనైనా కవ్వించే ఆ కనులు 

దివి  నుంచి భువికి వేసిన వంతెన లాంటి నభము  

మతిపోగొట్టే మనోహరమైన ఆ అధరము 

తేనె వలె పలుకులొలికే ఓ చిలకా!

మాట విడువని ఈ మౌనవ్రతమేల?

ఆ శశికే శరము కలిగే మోము దాచనేల?

ఓ చెలీ !

ఒడిసిపడితే చేజారిపోయేంత కటిపై 

ఒడుపుగా కడవనే పెట్టి నడుస్తుంటివే 

ఘల్లుమనే ఆ గజ్జెల సవ్వడి 

తుళ్లుమని నా గుండెలో ప్రతిధ్వనించదా !

నీ ఓర చూపుకే ఒరిగిపోనా!

ఆ నోట మాటకె మురిసిపోనా !

నా చెలీ !

నీ ఎదమాటున దాగిన ప్రేమకే 

నా హృదయ తారవైన నీకే దాసుడిని కానా !

ఎదురుచూపు వీడగలనా !   

By Charitha Nakkina