ଫଲ୍ ଗୁ - ସମ୍ମୋହନର

By Anjla Paramguru

  ଶ୍ରୀମତି ଅଞ୍ଜଳା ପରମଗୁରୁ

  ତନ୍ମୟ ହୋଇ  ଶୁଣୁଥିଲି ମୁଁ

   ତାଙ୍କ ସଂଯୋଜନା,

    ଶାବ୍ଦିକ ଛଟା ତାଙ୍କର 

     ଥିଲା ଅତୀବ ଜୀବନ୍ତ;

      ବିଦଗ୍ଧ ହୃଦୟର ରୂପ ମାଧୁରୀ,

       ସତେ ଅବା ଆକର୍ଷି

        ନେଇଥିଲା  ମୋ  ଆତ୍ମାକୁ  ,

       ଅଭିମନ୍ତ୍ରିତ ହୋଇଯାଇଥିଲି ଅବା 

        ସମ୍ମୋହନ ମନ୍ତ୍ରରେ  ।

          ବୋଧ ହେଉଥିଲା ,

           ବିଚରଣ କରୁଛି ମୁଁ

            ଭିନ୍ନ ଏକ ଇଲାକାରେ ।

             କିନ୍ତୁ ତାହା, 

              ସେପରି ନ ଥିଲା ------

           ହଠାତ୍  ଆହ୍ୱାନ ଶୁଣାଗଲା ,

           ନାମଟି ମୋର ଭାସି ଆସିଲା 

           ବାୟୁ ତରଙ୍ଗରେ ,

           ସ୍ବପ୍ନଭଙ୍ଗ ହେବା ପରି

            ଅପ୍ରତିଭ ହୋଇଗଲି ମୁଁ,

          ମୋତେ ଲାଗୁଥିଲl ,

          ଆହୁରି ଝରିବ, ଝରୁଥିଵ,

           ଅଜସ୍ର ଧାରାରେ ଝରୁଥିବ

         ଏ ପ୍ରେମର ଫଲ୍ ଗୁ  ,

          ଆଉ ମୁଁ ଭିଜୁଥିବି

          ମସ୍ ଗୁଲ୍ ହୋଇ,

           ଆତ୍ମ ବିଭୋର ହୋଇ

            ସୁଖର ଫୁଆରରେ,

            ପାର୍ଥୀବ ଆକର୍ଷଣର 

            ଅନେକ ଉର୍ଦ୍ଧ୍ୱରେ,

           ଆନନ୍ଦର ଅସୀମ ସାଗରେ ।

By Anjla Paramguru