ચાંદની ની ચિટ્ટી

By Kavya Mehulkumar Mehta

ચાંદની એ લખી ચિટ્ટી આજે,

પોતાનો પ્રેમ કર્યો ઈકરાર .

લખ્યું એને કે એ આપે પોતાનો ઉજાસ,

બધાં જ એના પ્રેમિયો ને.

એ ચિટ્ટી પહોંચી સાગર સુધી,

જે વર્ષો થી કરતો એની રાહ.

મળી જયારે એને એ ચિટ્ટી,

પળ્યા આંખોમાંથી આંસુ —

જેને દુનિયાએ કહ્યું સુનામી.

પછી એ ચિટ્ટી ગઈ આકાશમાં,

અને પહોંચી તારાઓ સુધી.

ખુશીથી છલકાયાં તારલાં,

પૂર્ણ કરી એમણે બધાની કામના .

ચાંદનીની એ ચિટ્ટીઓ બની —

એક માટે વિનાશ,

અને બીજા માટે આશીર્વાદ.

By Kavya Mehulkumar Mehta